Fim 19.ágú 2004 [email protected]
Buffon segir að besta lið Ítala hefði lent í veseni
Gianluigi Buffon markvörður ítalska landsliðsins var ósáttur við úrslitin í kvöld og sagði að jafnvel þótt Ítalir hefðu stillt upp sínu sterkasta liði hefðu þeir lent í vandræðum gegn íslenska liðinu. Hann sagði: ,,Þetta voru slæm úrslit fyrir Ítalíu en umfram allt sjáum við eftir að hafa ekki getað gefið Lippi betri upphafsleik."
MEIRA
 

Fim 19.ágú 2004 [email protected]
Fall er fararheill segir Lippi
Marcello Lippi landsliðsþjálfari Ítala sagði eftir leikinn í kvöld að fall sé fararheill og vonast til að gott gengi komi í kjölfar tapsins gegn Íslandi. Þetta var fyrsti leikur Lippi við stjórn ítalska landsliðsins en hann tók við af Giovanni Trapattoni sem fór til Benfica. Þetta er í fyrsta sinn síðan árið 1977 sem ítalskur landsliðsþjálfari tapar sínum fyrsta leik en þá gerði Enzo Bearzot það en hann vann svo HM með liðinu árið 1982.
MEIRA
 

Fim 19.ágú 2004 [email protected]
Íslenskur ísjaki sökkti Titanic-ítölum
Ítalska íþróttablaðið vinsæla er stóryrt í grein sinni um leik Íslendinga og Ítala sem fór fram í kvöld og líkir Íslandi við ísjakann sem sökkti Titanic um árið. Í fyrirsögn blaðsins segir: Ísland kældi ítalska lið Lippi og í kjölfarið kemur frétt um leikinn sem hefst á þessa leið:
MEIRA
 

Fim 19.ágú 2004 [email protected]
Hermann ásakaður um að hrækja á leikmann
Hermann Hreiðarsson leikmaður íslenska landsliðsins er í ítölskum fjölmiðlum í kvöld ásakaður um að hafa hrækt á framherjann Fabrizio Miccoli í leiknum í kvöld. Atvikið mun hafa sést í sjónvarpsupptökum en dómarinn sá ekki hvað gerðist.  Leiðinlegt ef satt er en mörgum er enn í fersku minni er Tékkinn stóri Jan Koller fékk að líta rauða spjaldið á Laugardalsvellinum fyrir að hrækja á einn leikmanna íslenska liðsins í leik sem var liður í undankeppni HM 2002.
 

Fim 19.ágú 2004 [email protected]
Aðsóknarmetið fallið
Það kom loks að því, aðsóknarmetið á knattpyrnuleik á Íslandi er fallið. All mættu 20.204 áhorfendur á leik Íslendinga og Ítala á Laugardalsvellinum í kvöld er Íslendingar unnu Ítalíu 2-0. Þessi miðafjöldi var fjöldi allra prentaðra miða sem höfðu verið útbúnir fyrir leikinn en ljóst er að margir munu geyma minninguna af því að hafa verið á staðnum er þetta gerðist áratugi fram í tímann enda ekki útlit fyrir að hægt verði að slá metið aftur. Síðasti miðinn seldist í miðasölunni fyrir utan Laugardalsvöllinn um klukkustund fyrir leik.
MEIRA

Fim 19.ágú 2004 [email protected]
Þrír handteknir á leiknum
Þrátt fyrir að mest allt hafi gengið vel fyrir sig á landsleik Íslands og Ítalíu í kvöld er rúmlega tuttugu þúsund manns mættu í Laugardalinn var eitthvað um smá vandræði sem lögregla þurfti að sinna. Þannig virtist sem barn hafi meiðst eftir hoppað úr stæðum niður á völl eftir að vallarþulur hafði gefið börnunum leyfi til að fara niður. Auk þess handtók lögregla þrjá menn eftir að leiknum lauk. Tveir þeirra voru járnaðir og fjarlægðir í grasinu fyrir framan hlaupabrautina en sá þriðji nokkru síðar við hvítt tjald sem komið hafði verið upp á svæðinu en tjaldið skemmtist eitthvað við átökin. Myndin hægra megin er tekin af síðustu handtökunni og myndin að neðan er annar hinna tveggja voru fjarlægðir.
MEIRA

Mið 18.ágú 2004 [email protected]
Einkaviðtal við Eið eftir leikinn í kvöld
Undirritaður hitti landsliðsfyrirliðann Eið Smára Guðjohnsen að máli eftir leik en hann var duglegur í leiknum og skoraði eitt mark fyrir framan 20,204 áhorfendur sem að voru á leiknum en þeirra á meðal var Jose Mourinho stjóri Chelsea.
MEIRA

Mið 18.ágú 2004 [email protected], [email protected]
Ásgeir Sigurvinsson í einkaviðtali eftir leikinn
Við hittum Ásgeir Sigurvinsson annan af landsliðsþjálfurunum að máli eftir leik.
MEIRA

Mið 18.ágú 2004 [email protected], [email protected]
Gylfi og Birkir í spjalli eftir leikinn
Við tókum létt viðtöl við kappana Gylfa Einarsson og Birki Kristinsson eftir leikinn í kvöld en Gylfi skoraði einmitt annað markið og Birkir stóð fyrir sínu þegar hann fékk eitthvað að gera.
MEIRA

Mið 18.ágú 2004 [email protected]
Viðtal við Jose Mourinho eftir leikinn
Jose Mourinho knattspyrnustjóri Chelsea er staddur á Íslandi. Hann var viðstaddur leik Íslands og Ítalíu sem lauk eins og allir vita með 2-0 sigri okkar. Mourinho svaraði nokkrum spurningum blaðamanna eftir leikinn:
MEIRA

Mið 18.ágú 2004 [email protected]
Frábær sigur Íslendinga á Ítölum
Það er ekki hægt að segja annað en að þetta kvöld á Laugardalsvelli sé eitt það magnaðasta í langan tíma og jafnvel magnaðasta kvöld frá upphafi á vellinum. Áhorfendametið frá Valur - Benfica árið 1968 var bætt en 20,204 áhorfendur mættu á leikinn í kvöld.
MEIRA

Mið 18.ágú 2004 [email protected]
Ísland 2 - 0 Ítalía
Það voru ekki margir íslenskir sparksérfræðingar sem höfðu trú á að þetta gæti gerst, en það gerðist þó. Íslenska landsliðið var rétt í þessu að vinna Ítalíu 2-0 með mörkum frá Eið Smára Guðjohnsen og Gylfa Einarssyni í frábærum leik. Eiður Smári skoraði fyrra mark leiksins á 17 mínútu eftir frábært skot frá Gylfa sem Gianluigi Buffon varði snilldarlega. Aðeins 2 mínútum seinna skoraði svo Gylfi Einarsson með flottu skot innan úr teignum fram hjá Buffon, í marki Ítala.
Undirritaður er á þeirri skoðun að Gylfi hafi verið maður leiksins með frábærum leik. Hann lagði upp eitt mark ásamt því að skora annað og er ekki annað að sjá nema að þessi strákur lofi góðu. Áhorfendametið var slegið en talið er að um og yfir tuttuguþúsund manns hafi mætt á leikinn.

Nánari umfjöllun um leikinn kemur inn seinna í kvöld.
 

Mið 18.ágú 2004 [email protected]
Aðeins þúsund miðar eftir á leikinn í kvöld
Um 1.000 miðar eru eftir á landsleik Íslands og Ítalíu þegar þetta er ritað (kl. 15:10) og eru þeir til sölu við Laugardalsvöll, en alls voru 20.000 miðar í boði á leikinn. Ljóst er að vallarmetið frá leik Vals og Benfica árið 1968 mun falla segir í frétt á heimasíðu KSÍ.

Mið 18.ágú 2004 [email protected]
Eusebio kemur ekki á leikinn!
Eftir óvissu undanfarinna daga hafði formaður portúgalska knattspyrnusambandsins samband við formann KSÍ og tjáði honum að Eusebio sæi sér því miður ekki fært að koma á landsleik Íslands og Ítalíu.

Þetta kemur fram á heimasíðu KSÍ.

Mið 18.ágú 2004 [email protected]
Prentið út söngvatextana og komið með á völlinn
Við hvetjum lesendur síðunnar til að prenta út söngvatextanna af Ísland - Ítalíu vefnum sem að við erum með og mæta með á völlinn í kvöld. Allir að taka undir í söngvunum og hvetjum Íslendinga til sigurs á móti Ítölum.

Mið 18.ágú 2004
Byrjunarlið Íslands - Birkir í markinu!
Birkir Kristinsson verður í marki íslenska landsliðsins sem mætir Ítölum klukkan 19:15 í dag. Þetta vakti mikla athygli en Árni Gautur Arason mun verða á varamannabekknum. Byrjunarliðið verður að öðru leiti svona: Birkir Kristinsson - Kristján Örn Sigurðsson - Ólafur Örn Bjarnason - Hermann Hreiðarsson - Brynjar Björn Gunnarsson - Þórður Guðjónsson - Rúnar Kristinsson - Indriði Sigurðsson - Gylfi Einarsson - Heiðar Helguson - Eiður Smári Guðjohnsen.

Mið 18. ágúst 2004 [email protected]
Lippi um leikinn í dag og fleira
Marcello Lippi hefur reynt að koma með nýjan liðsanda inn í ítalska landsliðið sem hann tók við í sumar. Hann segir að leikurinn í dag gegn íslendingum verði alls ekki verulegur vináttuleikur.
MEIRA

Mið 18. ágúst 2004 [email protected]
Byrjunarlið Íslands
Birkir Kristinsson verður í marki íslenska landsliðsins sem mætir Ítölum klukkan 19:15 í dag. Þetta vakti mikla athygli en Árni Gautur Arason mun verða á varamannabekknum. Byrjunarliðið verður að öðru leiti svona:
MEIRA

Mið 18.ágú 2004 [email protected]
Skilaboð frá lögreglunni
Lögreglan í Reykjavík vill koma eftirfarandi skilaboðum á framfæri vegna landsleiks í knattspyrnu milli Íslands og Ítalíu miðvikudaginn 18 ágúst 2004. Þar sem ætla má að mikill fjöldi landsmanna kjósi að sjá landsleik Íslands og Ítalíu í knattspyrnu má búast við töfum í umferðinni á svæðinu við Laugardalinn. Knattspyrnuáhugamenn eru því hvattir til að nýta almenningssamgöngur og sameinast í ökutæki eins og kostur er. Lögreglan vill einnig hvetja til þess að mæta snemma í dalinn en formleg dagskrá hefst kl 17:30.  Lögreglan mun eins og kostur er kappkosta við að greiða úr umferð á svæðinu og mun Sundlaugavegur verða lokaður til vesturs frá Reykjavegi meðan á knattleik stendur. Þá er einnig vakin athygli á því að talsvert er um verklegar framkvæmdir á svæðinu. Þá vill lögreglan vekja athygli íbúa á svæðinu á því að umferð um þeirra hverfi verður ekki með hefðbundnum hætti meðan á leik stendur og kunna óþægindi að skapast af því. Að lokum minnir lögreglan á að öll meðferð áfengis er óheimil á vallarsvæðinu. Höfum þolinmæðina og góða skapið með á völlinn, áfram Ísland.

Þri 17.ágú 2004 [email protected]
Ísland leikur í hvítum búningum á morgun
Íslenska landsliðið mun leika í hvítum búningum gegn Ítölum á morgun miðvikudag. Að öllu jöfnu hefðu Íslendingar leikið í bláum búningum, en ítalska knattspyrnusambandið óskaði sérstaklega eftir því að fá að leika í sínum þriðju búningum, sem eru dökkbláir. Íslenska liðið leikur því í fyrsta skipti í nýjum hvítum búningum frá Errea segir í frétt á heimasíðu KSÍ

Þri 17.ágú 2004 [email protected]
Forsölu á Ísland - Ítalía haldið áfram á morgun
Forsölu aðgöngumiða á landsleik Íslands og Ítalíu verður haldið áfram til kl. 14:00 á miðvikudag á fjórum ESSO-stöðvum, Ártúnshöfða, Lækjargötu í Hafnarfirði, Borgartúni og Geirsgötu. Forsala verður einnig við Laugardalsvöll. Miðinn í forsölu kostar kr. 1.000, en eftir það er hann á 1.200 krónur. 50% afsláttur er af miðum fyrir 16 ára og yngri.

Þri 17.ágú 2004 [email protected]
Afhverju spila Ítalir í bláum búningum?
Ítalska landsliðið spilar jafnan í bláum keppnistreyjum þrátt fyrir að fáni þeirra sé grænn, hvítur og rauður. En afhverju spila Ítalir þá í bláu? Svarið er ekki flókið. Blár er litur Savoia, sem var Stjórnarráð Ítalíu frá 1861 þar til 1946. Fram að því hafði fáni landsins alltaf borið skjaldarmerki Ítalíu.  Það gerðist svo eftir stríð þegar ítalía varð lýðveldi að þrílitaði fáninn varð að þjóðfána.

Þri 17. ágúst 2004 [email protected]
Nesta ánægður með að mæta Íslandi
Alessandro Nesta varnarmaður ítalaska landsliðsins sagði í morgun að leikurinn gegn Íslandi á morgun muni hjálpa Ítölum að gleyma vonbrigðum EM 2004. Margir Ítalir hafa dregið í vafa notagildi þessa leiks svo stuttu eftir að leiktíðin hófst en Nesta ætlar að standa sig vel: ,,Ítalir verða að ná aftur samspili og anda, sérstaklega eftir að hafa mislukkast á síðustu tveimur mótum. Leikurinn gegn Íslandi er mjög mikilvægur því hann leyfir okkur að komast beint aftur í landsliðsandann."  Leikurinn verður sá fyrsti undir stjórn Marcello Lippi sem tók við af Giovanni Trapattoni sem hætti eftir EM. Nesta sagði: ,,Lippi er vissulega frábær þjálfari. Annars hefði hann ekki verið svona lengi hjá Juventus. Það er það eina sem ég get tjáð mig um hann eins og stendur því ég var að byrja að vinna með honum." Aðspurður hvaða leikkerfi yrði spilað eftir sagði Nesta: ,,Ég vil ekki tjá mig um það. Það er eitthvað sem þjálfarinn verður að ákveða."

Mán 16. ágúst 2004 [email protected]
Ítalir munu spila 4-3-1-2 gegn Íslandi
Marcello Lippi landsliðsþjálfari Ítalíu sagði við fjölmiðla í gær að hann myndi líklegast nota leikaðferðina 4-3-1-2 í vináttulandsleiknum gegn Íslandi á morgun. "Um þessar mundir nota liðin á Ítalíu margar mismunandi leikaðferðir og ég verð að venja leikmenn á að spila öðruvísi eftir aðstæðum."  sagði Lippi. Eins og kunnugt er munu Ítalir verða án margra stórra nafna í leiknum. "Það eru um 250 leikmenn sem ég get valið um. Ég gæti valið ungstirni eða jafnvel leikmenn sem eru 37 eða 38 ára gamlir." Lippi valdi nokkra leikmenn sem við íslendingar könnumst lítið við, einn þeirra er hinn 29 ára Francesco Flachi hjá Sampdoria. "Flachi hefur náttúrulega hæfileika, hann hefur staðið sig vel og getur jafnvel orðið betri." sagði Lippi. Annar leikmaður sem er lítið þekktur er Manuele Blasi hjá Juventus.  "Hann er mjög fjölhæfur leikmaður, hann getur leyst margar stöður." Alessandro del Piero er meðal leikmanna sem voru ekki í hópi Ítalíu og sagði Lippi ástæðuna fyrir því vera einfaldlega þá að hann er ekki í nægilega góðu formi.

Mán 16. ágúst 2004 [email protected]
Um 60% lesenda Fótbolta.net ætla á leikinn
Um 60% af lesendum Fótbolti.net segjast ætla á vináttulandsleik Íslands og Ítalíu eftir tvo daga. Þetta er niðurstaða könnunar sem hefur verið á forsíðu Fótbolti.net að undanförnu

Lau 14. ágúst 2004 [email protected]
Vantar margar stjörnur í ítalska liðið
Ítalir munu sakna margra lykilmanna í leiknum gegn Íslendingum næstkomandi miðvikudag. Antonio Cassano, Francesco Totti, Vieri, Mauro Camoranesi, Massimo Ambrosini, Cristiano Zanetti, Bernardo Corradi, Pippo Inzaghi, Alessandro Del Piero og Fabio Cannavaro verða ekki með. Þrír nýliðar eru í þessum fyrsta landsliðshóp Marcelo Lippi en þeir eru Manuele Blasi, Luca Toni og Francesco Flachi. Smellið hér til að sjá hópinn hjá Ítölum
 

Fim 12. ágúst 2004 [email protected]
Kári og Marel teknir út úr hópnum
Kári Árnason leikmaður Víkings og Marel Baldvinsson hjá Lokeren hafa verið teknir út úr landsliðshópnum sem að mætir Ítölum í vináttuleik næstkomandi miðvikudag. Ásgeir Sigurvinsson og Logi Ólafsson ætluðu upphaflega að minnka hópinn niður í átján leikmenn í dag eftir að hafa valið 22 manna hóp á mánudag en þeir ákváðu að minnka hópinn aðeins niður í tuttugu leikmenn.  Hægt er að sjá allan hópinn með því að smella á Ísland hér á síðunni.
 

Fim 12. ágúst 2004 [email protected]
Pétur Jóhann telur að vindillinn hafi áhrif
Pétur Jóhann Sigfússon grínistinn úr 70 mínútum á Popp Tíví sagði í samtali við ritstjóra Ísland - Ítalíu síðunnar að hann vissi ekki mikið um fótbolta en var þó til í að spá í leikinn.  Hann telur að Ísland sigri 2-1 og það muni hafa mikil áhrif að þjálfarinn hjá Ítölum (Marcelo Lippi) fær ekki að reykja vindilinn sinn á hliðarlínunni og því geti hann ekki þjálfað sem skildi.  Pétur segir að Eiður Smári skori fyrra markið og leggi svo upp það síðara fyrir einhvern vitleysing.
Skoða spá fleiri spekinga

Fim 12. ágúst 2004 [email protected]
Hefur þú góða stuðningsmannasöngva?
Eins og menn hafa tekið eftir er hægt að finna fjölda stuðningsmannasöngva hér á síðunni undir söngvarnir.  Ef að þú hefur góða söngtexta endilega hafðu samband og við bætum söngnum við ef að hann er góður.  Áfram Ísland !

Fim 12. ágúst 2004 [email protected]
Um 100 ítalskir blaðamenn til landsins
Alls munu um 100 ítalskir fjölmiðlamenn koma til landsins vegna vináttuleiks Íslands og Ítalíu á Laugardalsvelli 18. ágúst næstkomandi.  Um er að ræða blaðamenn, ljósmyndara, sjónvarpsfólk, útvarpsfólk og tæknimenn af ýmsu tagi.  Á undanförnum árum hafa reglulega komið upp leikir þar sem erlent fjölmiðlafólk er á annað hundrað, t.a.m. Ísland - Skotland og Ísland - Þýskaland á síðustu tveimur árum segir í frétt á heimasíðu KSÍ.
 

Þri 10. ágúst 2004 [email protected]
Eiður Smári 13 ára í viðtali
Árið 1991 gaf Snælandsskóli í Kópavogi út skólablað með nafnið “snær”. Eiður Smári Guðjohnsen var í Snælandsskóla á þessum tíma. Þá var hann þrettán ára (á fjórtánda ári) og í sjöunda bekk skólans sem að gaf þetta blað einmitt út. Hér að neðan má sjá viðtal sem að tekið var við Eið í blaiðinu en eins og fyrr segir þá er þetta viðtal þrettán ára gamalt.  Á myndinni er Eiður 8 ára en hún er fengin af stuðningsmannasíðu hans.
MEIRA

Þri 10. ágúst 2004 [email protected]
Snorri Már telur erfiða tíma fyrir höndum
Snorri Már Skúlason verkefnisstjóri enska boltans á Skjá einum telur að íslenska landsliðið eigi erfiða tíma fyrir höndum og tapi leiknum gegn Ítölum.   Í samtali við okkur sagðihann: ,,Spái 0-2. Ítalir spila ekki skemmtilegasta fótbolta í heimi, þeir kunna að verjast og þrátt fyrir kaótískt stjórnmálalíf heima fyrir eru þeir afar skipulagðir á fótboltavellinum. Þverstæða sem er verðugt rannsóknarefni. Mín tilfinning er að íslenska landsliðið eigi erfiða tíma fyrir höndum. Við eigum því miður alltof fáa atvinnumenn sem eru fastamenn í alvöru liðum í Evrópu. Ásgeir og Logi náðu miklu út úr liðinu eftir að þeir tóku við en það verður erfitt að halda þeim dampi af fyrrgreindri ástæðu."

Þri 10. ágúst 2004 [email protected]
Bogi telur að Ítalir bursti Ísland
Bogi Ágústsson fréttastjóri hjá Ríkissjónvarpinu telur að Ítalir muni fara létt með íslenska liðið en hann  sagði við síðuna:  ,,Spáin er 1-4 fyrir Ítalíu. Íslenska landsliðið er langt í frá að gera góða hluti núna þó að fyrirliðinn sé einn af 20 bestu knattspyrnumönnum heims og margir leikmenn séu traustir og góðir fótboltamenn. Ég held raunar að ef Loga og Ásgeiri væru sköpuð sömu skilyrði og Otto Rehagel fékk með gríska landsliðið gætu þeir híft liðið upp um 60 sæti á FIFA listanum. Árni Gautur er síst verri en sá gríski, menn eins og Hermann og Indriði Sigurðsson gætu orðið mjög öflugir varnarmenn (og sókndjarfir) í landsliðinu. Það sem liðið vantar nú er öflugur, kjarkmikill leiðtogi. Eiður er hugsanlega besti knattpsyrnumaður sem Ísland hefur eignast, Albert Guðmundsson og Þórólfur Beck er keppinautarnir um þann titil, en það er erfitt fyrir sóknarmann að leiða liðið, Pelé var ekki fyrirliði Brasilíu þegar hann var upp á sitt allra besta. Það er best að hafa fyrirliðana í vörn eða á miðju. Bobby Moore, Beckenbauer, Danny Blanchflower, Socrates, Tony Adams, Lothar Matthäeus, Morten Olsen eru nokkur augljós dæmi. Landsliðinu gekk mun betur þegar ótvíræðir leiðtogar eins og Guðni og Eyjólfur stjórnuðu og studdu við bakið á hinum. Eftir að þeir hættu hefur mjög sigið á ógæfuhliðina. Þetta er mesti veikleiki íslenska landsliðsins nú."

Þri 10. ágúst 2004 [email protected]
Össur veðjar á sigur
Össur Skarphéðinsson formaður Samfylkingarinnar telur að Íslendingar geti unnið Ítalinu eftir átta daga en í samtali við síðuna sagði hann: ,,Okkar menn eru í stuði og í toppformi eftir sumarið. Gljáandi skotskór um allt liðið. Ítalirnir eru enn á bömmer eftir Evrópumeistarakeppnina og hvorki búnir að ná sér andlega né komnir í líkamlegt form. Þeir munu misreikna sig herfilega á baráttuanda okkar manna sem á 18. ágúst verða Grikkir norðursins. Úrslitin gætu orðið söguleg og kotroskið smáríkið gæti farið með sigur af hólmi gagnvart stórþjóðinni. Ég hef mikla trú á landanum í þessum leik og spái því að á góðum degi geti farið 2:1 fyrir Ísland."

Mán 9. ágúst 2004 [email protected]
Landsliðshópurinn gegn Ítölum
Landsliðsþjálfararnir Ásgeir Sigurvinsson og Logi Ólafsson tilkynntu nú rétt í þessu landsliðshópinn sem að mætir Ítölum í æfingaleik hér á heimavelli 18.ágúst næstkomandi. Hópurinn telur 22 menn en næstkomandi fimmtudag fækkar í honum niður í 18. Kári Árnason miðvallarleikmaður Víkinga var valinn í liðið í fyrsta sinn eins og markamaskínan Gunnar Heiðar Þorvaldsson. Þá var Birkir Kristinsson valinn sem varamarkvörður á kostnað Kristjáns Finnbogasonar.
MEIRA

Mán 9. ágúst 2004 [email protected]
Rúnar Kristinsson í landsliðið á ný!
Rúnar Kristinsson hefur ákveðið að gefa kost á sér í íslenska landsliðið á ný og verður í hópnum sem mætir Ítalíu 18. ágúst næstkomandi. Þetta kom fram á blaðamannafundi sem nú er í höfuðsstöðvum KSÍ. Þar verður einnig innan skamms tilkynntur leikmannahópur Íslands fyrir leikinn. Rúnar sem er 35 ára gamall hefur leikið 103 leiki fyrir Íslands hönd, þar af 11 sem fyrirliði. Hann hefur skorað í þeim 3 mörk og er af mörgum talinn leiðtoginn sem hefur vantað á miðju íslenska liðsins. Rúnar lék sinn fyrsta landsleik í október 1987 þegar hann kom inn á sem varamaður í 0-2 tapi gegn liði Sovétríkjanna í Simferopol, þá 18 ára gamall. Hann er miðjumaður leikur með Lokeren í Belgíu og hætti með landsliðinu eftir að undankeppni EM 2004 lauk.

Fös 6. ágúst 2004 [email protected]
11 þúsund miðar seldir á Ísland - Ítalía
Nú er orðið uppselt í stúku á landsleik Íslands og Ítalíu sem fram fer á Laugardalsvellinum 18. ágúst næstkomandi. Stúkurnar taka samtals 7065 í sæti en auk þess hafa verið seldir tæplega 4000 miðar í stæði. Samtals hafa því verið seldir um 11 þúsund miðar á leikinn en stefnt er að því að selja 19 þúsund. Hægt er að kaupa miðana í stæði á völdum Esso stöðvum en miðaverð er 1000 krónur fyrir fullorðna og 500 fyrir börn 16 ára og yngri.
 

Fim 5. ágúst 2004 [email protected]
Aðeins 200 stúkumiðar eftir á Ísland - Ítalía
Þegar þetta er ritað eru aðeins eftir um 200 miðar í stúku (T-hólf) á landsleik Íslands og Ítalíu, sem fram fer á Laugardalsvelli 18. ágúst. Miðar í stúku eru aðeins seldir á netinu í gegnum heimasíður ESSO og KSÍ. Miðar í stæði kosta aðeins 1.000 krónur í forsölu (500 krónur fyrir 16 ára og yngri). Forsölumiðar í stæði eru ekki seldir á netinu, heldur aðeins á völdum ESSO nestis-stöðvum: Nesti Ártúnshöfða " Háholti " Gagnvegi " Stórahjalla " Lækjargötu " Borgartúni " Geirsgötu, Aðalstöðin Keflavík,Skútan Akranesi, Leiruvegur Akureyri, Fossnesti Selfossi.

Mið 4. ágúst 2004 [email protected]
Aðeins 1400 stúkumiðar eftir á Ísland - Ítalía
Forsala aðgöngumiða á vináttulandsleik Íslands og Ítalíu gengur mjög vel, en liðin mætast á Laugardalsvelli 18. ágúst næstkomandi. Klukkan 17:00 í dag, miðvikudag, voru um 1.400 miðar eftir í stúku og því útlit fyrir að stúkumiðarnir seljist upp í kvöld. Miðar í stúku eru eingöngu seldir á netinu, en stæðismiðar eru seldir á völdum ESSO-stöðvum. .
 

Mið 4. ágúst 2004 [email protected]
Forsalan á Ísland - Ítalía hafin
Forsala aðgöngumiða á vináttuleik Íslands og Ítalíu sem fer fram á Laugardalsvelli 18. ágúst næstkomandi hófst í dag. Forsalan er í tvennu lagi en fyrst fer hún fram í gegnum vefsíður KSÍ og Esso en svo tekur við forsala á Nestisstöðvum Esso. Miðaverð í stúku er á bilinu 2500-3500 en í stæði kostar 1000 krónur í forsölu, 1200 á leikdegi. Forsalan stendur til og með 13. ágúst en KSÍ stefnir að því að selja 19 þúsund miða og þar af eru 7000 í stúku. Leikurinn fer fram miðvikudaginn 18. ágúst klukkan 19:15

Þri 3. ágúst 2004 [email protected]
Eusebio verður heiðursgestur á Ísland - Ítalía
Einn þekktasti knattspyrnumaður sögunnar, Eusebio frá Portúgal hefur tekið boði KSÍ og verður heiðursgestur á leik Íslendinga og Ítala miðvikudaginn 18.ágúst næstkomandi. Tilefnið er að tilraun verður gerð til að slá aðsóknarmetið á Laugardalsvelli á þessum leik en Eusebio var einmitt í liði Benfica sem lék gegn Val 18. september 1968 en þá mættu 18.194 áhorfendur á leikinn og það er núverandi aðsóknarmet segir í frétt á heimasíðu KSÍ.
 

Fös 30. júlí 2004 [email protected]  
Lippi tilkynnir hóp Ítala gegn Íslandi seint
Marcello Lippi, landsliðsþjálfari Ítala, mun væntanlega ekki tilkynna endanlegan landsliðshóp sinn fyrr en sunnudaginn 15. ágúst, aðeins þremur dögum fyrir vináttuleikinn gegn Íslandi á Laugardalsvelli. Ástæðan fyrir því hversu seint hópurinn verður tilkynntur er sú að heil umferð fer fram í ítölsku deildinni um helgina fyrir leikinn og vill Lippi bíða og sjá hvort einhverjir leikmenn meiðist og hvort einhverjir nái að vekja athygli hans í þeim leikjum sem fram fara. Þetta kom fram á vefsíðu KSÍ í gær..

Þri 27. júlí 2004 [email protected]
Lippi fær ekki að reykja á Laugardalsvelli
Á blaðamannfundinum sem að KSÍ hélt í gær til kynningar á leik Íslendinga og Ítalíu í næsta mánuði kom athyglisverð spurning frá Hans Steinari á Skonrokk. Hann spurði Eggert Magnússon formann KSÍ hvort að Marcelo Lippi nýráðinn landsliðsþjálfari Ítala fái að reykja vindil á Laugardalsvelli eins og hann er vanur að gera á bekknum í leikjum. Eggert sagði að Lippi muni ekki fá það og ekki einu sinni fá að reykja innanhús hjá KSÍ. Eggert sagði einnig frá því að hann hefði átt sinn þátt í því að lagt var bann við reykingum á síðasta ári eins og við sögðum frá. Spennandi verður að sjá hvað Eggert gerir ef að Lippi tekur upp vindilinn í leiknum í næsta mánuði en Þorsteinn Gunnarsson hjá Sýn og Stöð 2 kom með ágætis tillögu, að láta Þorgrím Þráinsson frá tóbaksvarnarráði passa upp á Lippi.

Fös 23. júlí 2004 [email protected]
Forsala á Ísland - Ítalía
Forsala aðgöngumiða á leik Íslands og Ítalíu sem fer fram á Laugardalsvelli 18. ágúst næstkomandi hefst 4. ágúst næstkomandi og verður eingöngu hægt að nálgast miða á KSÍ.is og Esso.is. Forsala stúkumiða fer fram dagana 4-13. ágúst en að venju eru sæti númeruð. Einnig verður hægt að fá miða í stæði á leikinn en hægt verður að kaupa þaá miða á völdum Essostöðvum frá 4-17. ágúst. Miðaverð í forsölu stúku verður á bilinu 2500-3500 en í stæði 1000 krónur. Eins og við höfum áður greint frá er stefnt að því að slá aðgangsmetið á völlinn sem var 18.194 í leik Vals og Benfica árið 1968. Aðalástæðan fyrir miklum áhuga á þeim leik hefur líklega verið stórstjarnan Eusibio sem lék með Benfica á þessum árum en KSÍ hefur boðið Eusebio að verða heiðursgestur á leiknum en hann hefur enn ekki þekkst boðið.

Fim  15. júlí 2004 [email protected]
Verður sett áhorfendamet í Laugardalnum?
Nú er tæpur mánuður í að ítalska landsliðið komi til Íslands og mæti Íslandi í vináttuleik á Laugardalsvellinum 18. ágúst næstkomandi. Þar sem um vináttuleik verður að ræða gilda engar sérstakar reglur um að allir áhorfendur verði að vera í sætum eins og almennt gildir í stórmótum og því getur KSÍ selt endalaust inn á meðan rúm leyfir.

Flestir áhorfendur á knattspyrnuleik á Íslandi voru 18. september 1968 þegar Valur mætti Benfica. 18.194 mættu á leikinn og er það met sem menn töldu að aldrei yrði slegið. Það gæti þó gerst 18. ágúst 2004, 35 árum og 11 mánuðum síðar, þegar Ítalir heimsækja okkur. Hvor stúka á Laugardalsvellinum tekur 3500 áhorfendur og því 7000 í heildina. Auk þess er völlurinn skráður með stæði fyrir 7000 manns og miðað við að það fylltist væru komnir 14 þúsund miðar.  Ljóst er að KSÍ myndi halda áfram að selja það ef eftirspurn væri meiri og gaman væri að sjá gamla metið slegið loksins enda Ítalir með eitt stærsta lið sem hefur komið hingað til lands.

Sá atburður sem hefur komist næst því að slá gamla áhorfendametið var þó ekki knattspyrnuleikur heldur tónleikar rokkhljómsveitarinnar Metallica í Egilshöll 4. júlí síðastliðinn en 18 þúsund áhorfendur mættu þangað, eða 194 færri. Ítalska liðið kemur væntanlega uppfullt af stjörnum en nýr landsliðsþjálfari, Marcello Lippi hefur tekið við af liðinu í stað Giovanni Trapattoni sem tók einmitt við liði Benfica sem á núverandi áhorfendamet á Íslandi. Leikurinn verður lokaæfingaleikur beggja liða fyrir undankeppni HM 2006 sem hefst í september þegar Ítalir mæta Norðmönnum 4. september en Íslendingar mæta Búlgörum sama dag á Laugardalsvellinum.  Forsala aðgöngumiða á Ítala leikinn hefst 4. ágúst og verður nánar kynnt þegar nær dregur.

Fös 25. júní 2004 [email protected]
Trapattoni hættir með Ítali og Lippi tekur við
Ítalir tilkynntu í dag að Giovanni Trapattoni væri hættur með landslið þeirra. Adriano Galliani forseti knattspyrnusambandsins tilkynnti þá að samningur sambandsins við Trapattoni sem rennur út 15. júlí næstkomandi yrði ekki enurnýjaður. Trapattoni hefur verið mikið gagnrýndur fyrir frammistöðu Ítala á EM en þeir féllu út úr C riðlinum. Um klukkustund síðar var svo tilkynnt eftir fund að Marcello Lippi fyrrum stjóri Juventus tæki við stöðunni og fengi samning framyfir HM 2006. Fyrsti leikur liðsins undir stjórn Lippi verður á Laugardalsvellinum í ágúst gegn Íslandi.

Fim 11. mars 2004 [email protected]
Ítalska karlalandsliðið til Íslands í ágúst!
Knattspyrnusamband Íslands staðfesti nú rétt í þessu að ítalska landsliðið muni koma hingað til lands og leika við Ísland vináttulandsleik á Laugardalsvelli 18. ágúst næstkomandi. Auk þess munu U-21 árs lið þjóðanna eigast við samhliða þessum leik. Eggert Magnússon formaður KSÍ hitt Dr. Franco Carraro framkvæmdastjóra knattspyrnusambands Ítalíu og Francesco Ghirelli formann í Róm í dag þar sem þetta var rætt. Þeir staðfestu á fundinum að leikurinn muni fara fram en Giovanni Trapattoni landsliðsþjálfari Ítala hefur samþykkt leikinn fyrir sitt leyti. Nú á eftir að semja um sjónvarpsrétt vegna leiksins.

Fös 30. jan 2004 [email protected]
ÍSLAND - ÍTALÍA?
Knattspurnusamband Íslands, KSÍ, hefur átt í viðræðum við Knattspyrnusamband Ítalíu um að spila við þá æfingaleik á árinu. Dagsetning 3. júni hafði verið mikið á milli tannana á mönnum en þar sem að Giovanni Trappattoni telur líklegt að eitt til tvö Ítölsk lið muni spila til úrslita í Meistaradeild Evrópu nú í vor telur hann álagið á leikmennina verða of mikið á þessum tíma þannig að sú dagsetning hentaði ekki Ítölunum. En nú hefur leikdagurinn 18. ágúst skotið upp kollinum og líkur á að spilaður verði vináttulandsleikur við Ítala, sem að yrði jafnframt síðasti leikur Ítala fyrir landsleikinn gegn Noregi þann 4 september 2004 sem það er fyrsti leikur Ítalana fyrir undankeppni HM 2006 í Þýskalandi. Frekari viðræður vegna þessa eiga eftir að eiga sér stað en Eggert Magnússon formaður KSÍ fer utan á næstunni þar sem hann mun ræða málið frekar við forráðamenn ítalska knattspyrnusambandsins.

Lau 6. des 2003 [email protected]
Koma Ítalir hingað til lands?
Á vef Morgunblaðsins er viðtal við Eggert Magnússon og þar segist hann hafa rætt við Giovanni Trappattoni landsliðsþjálfara Ítala um að koma til Íslands og leika æfingaleik við Íslendinga en báðir voru þeir viðstaddir dráttinn í undankeppni HM í Frankfurt í gær. Eggert sagði orðrétt við vef Morgunblaðsins „Þegar ég ræddi við Trappattoni benti ég honum á að það væri tilvalið tækifæri að leika æfingaleik við Ísland fyrir Evrópukeppnina sem verður í Portúgal í júní. Sagði honum að við lékjum svipaða knattspyrnu og Svíar og Danir, sem eru með Ítölum í riðli. Trappattoni tók ekki illa í boðið og fannst það áhugavert. Við munum hafa samband við ítalska knattspyrnusambandið á næstu dögum til að ítreka boðið. Það væri stórkostlegt að fá landslið Ítalíu í heimsókn til Íslands,“