Fréttir

Mið 18.ágú 2004
Ásgeir Sigurvinsson í einkaviðtali eftir leikinn
Við hittum Ásgeir Sigurvinsson annan af landsliðsþjálfurunum að máli eftir leik.

Þið bara yfirspiluðuð Ítalina í fyrri hálfleik:
Í fyrri hálfleik já, þetta var stórkostleg byrjun hjá okkur og það var bara sorglegt að skora ekki fleiri mörk í fyrri hálfleik. Við spiluðum frábærlega vel í fyrri hálfleik sérstaklega og hefðum reyndar getað bætt við mörkum í seinni hefðum við nýtt skyndipphlaupin okkar betur. Í heildina er ég mjög sáttur við þetta.

Frábær vörn, Ítalarnir áttu nánast bara langskot, þú hlýtur að vera sáttur við vörnina og liðsheildina, baráttan skein í gegn:
Þeir fengu engin alvöru færi. Ég er mjög mjög sáttur. Karakterinn í liðinu var frábær og menn sjá það bara að það er samkeppni um stöður og leikurinn í kvöld bar þess merki að menn þurfa að leggja sig fram til að ná góðum úrslitum og menn vita það.

Þetta gefur góð fyrirheit fyrir leikinn á móti Búlgörum:
Ég hefði gjarnan viljað fá þrjú stig fyrir þennan leik en því miður er nú ekki. Þetta gefur góðan byr fyrir leikina gegn Búlgörum og Ungverjum.

Hverjar eru væntingarnar fyrir undankeppni HM?
Við ætlum að reyna að gera betur en síðast og stefnan sett hátt. Við vitum það að við erum í mjög erfiðum riðli en við munum gera okkar besta.

Áhorfendurnir hvernig fannst þér þeir?
Frábært. Þetta náttúrulega sýnir það að við þurfum stærri völl hérna og þegar að við fáum stórlið í heimsókn þá þurfum við hafa nánast tuttugu þúsund manna völl. Þetta er frábær stemming og ég held að allir hafi farið sáttir heim, ánægður og glaðir.



 
Designed by DesignEuropA.com Heim