Fréttir

Mið 18.ágú 2004 [email protected], [email protected] Gylfi og Birkir í spjalli eftir leikinn Við tókum létt viðtöl við kappana Gylfa Einarsson og Birki Kristinsson eftir leikinn í kvöld en Gylfi skoraði einmitt annað markið og Birkir stóð fyrir sínu þegar hann fékk eitthvað að gera. Þetta var frábær sigur hjá ykkur: Já.. mjög skemmtilegur sigur. Frábært að vinna Ítali. Það hefur ekki verið leiðinlegt að skora sitt fyrsta landsliðsmark í þessum leik: Það var góð tímasetning. Nú er ísinn brotinn og nú er hægt að skora fleiri. Nú fékkstu treyjuna hans Nesta, er þetta frægasti leikmaðurinn sem þú hefur fengið treyju hjá? Jájá ég held að hann sé sá frægasti. Mig langaði að fá treyjuna hans því hann spilar með AC Milan sem er svona mitt lið á Ítalíu, gaman að því. Birkir Kristinsson: Þetta hefur verið mjög sætt að enda landsliðsferilinn á svona leik: Jájá, það var náttúrulega ekki hægt að hugsa sér betri endi á landsliðsferilinn heldur en akkúrat þetta að vinna Ítalína hérna heima með tveimur mörkum.. það er bara eins og einhver draumur, það er ekki hægt að hugsa sér þetta betra. Er enginn möguleiki á að þú komir aftur? Hehe.. neinei þetta er náttúrulega bara lokaleikur og maður hugsar ekki út í það. Maður á eftir að klára mótið með Eyjamönnum þannig að það er bara næsta verkefni sem er fyrir höndum. Næsta verkefni landsliðsins er 4. september en það verður einhver annar á mínum stað þá. Ertu að gefa það út að þú ætlir að hætta eftir tímabilið með ÍBV?? Nei ég var ekki að segja það, ég er ekki búin að ákveða það en það fer að líða að lokum. Þessi treyja sem þú ert í er af Gianluigi Buffon, hefurðu fengið treyju hjá frægari leikmanni en honum? Nei ekki þegar maður hugsar það akkúrat núna en maður hefur fengið treyju frá spænsku markmönnum og frá brasilíu en akkúrat þegar ég hugsa um það í augnablikinu þá held ég að hann sé sá frægasti. [email protected], [email protected]