Viðtölin

Hann hefði farið með Eusebio á klósettið
 - Henson og Hemmi Gunn teknir tali

Ritstjóri Fótbolti.net tók viðtal við tvo eldhressa menn sem að léku í leik Vals og Benfica á Laugardalsvelli þann 18.september en aldrei hafa fleiri áhorfendur komið saman til að horfa á leik hér á Íslandi. Nú á að bæta reyna að bæta þetta met sem að var sett á Valur – Benfica og því tilvalið að spjalla við tvo menn sem að spiluðu í þeim leik. Við spurðum mennina tvo út í þennan leik og nokkrar fleiri spurningar um fótboltann en þeir eru á því að metið sem að sett var 1968 verði aldrei slegið... því að það hafi mætt um 10% þjóðarinnar á þann leik og það muni ekki gerast aftur. Þá eru þeir á því að peningarnir séu að eyðilleggja fótboltann í dag og þeir segja einnig frá því að leikmennirnir á þessum tíma dreyfðu auglýsingaspjöldum eftir æfingu. Mennirnir sem að viðtalið er við eru Hermann Gunnarson, Hemmi Gunn og Halldór Einarsson betur þekktur sem  Henson.

Hvernig var að spila þennan leik fyrir 36 árum?
Hemmi: Það var náttúrulega ótrúlega gaman og spennandi því að svona kannski stórlið hafði maður aldrei spilað áður. Þannig að við vorum farnir að fá fiðring í magann tveim mánuðum áður en að til þessa leiks kom eða frá því að drátturinn var. Til dæmis vorum við nánast þrír sem að skipulögðum alveg undirbúningin hérna við Halldór og Baldvin Jónsson og það lögðust allir á eitt að gera þetta svona eftirminnilegt og það tókst og þetta var alveg ólýsanleg lífsreynsla.

Henson: Ég tek náttúrulega undir þetta með Hemma. Valur hafði áður en þetta gerðist orðið fyrsta íslenska liðið til að komast áfram í Evrópukeppninni eftir leiki við Jeunesse frá Lúxemborg en þarna var svo gríðarlegur skemmtilegur aðdragandi að Benfica leiknum vegna þess að veðrið þarna í september var algjört stillilogn og sólskin alla daga. Benficaliðið var hátt metið eftir að hafa til dæmis keppt á móti Manchester United í Evrópukeppninni og þá var Eusebio að fá gullskóinn afhentan úti í Frakklandi og hann kom þaðan hingað með skóinn. Þegar að ljóst var að hann yrði með þá varð algjör sprenging í áhuga. Þú verður að athuga að þegar að þetta er þegar að 18.309 sem að komu ekki 18, 100 og eitthvað en þetta er um tíu prósent af þjóðinni og eitthvað tuttugu eða 25 prósent af íbúum Reykjavíkur. Hlutfallið er gríðarlegt.

Hemmi: Það má bæta við þetta vegna þess að þetta er frekar klaufalega sett upp að það sé verið að reyna slá eitthvað met Vals og Benfica. Það verður í raun aldrei slegið því að eins og Halldór segir þá vorum við með tíundahluta þjóðarinnar á vellinum og sambærilegt við það í dag væri kannski 26-27 þúsund en hinsvegar vonar maður að sem flestir komi á völlinn. Ég er nú búinn að vera hvetja fólk til að koma á völlinn í 30 ár og nú er nauðsyn.

Biðröðin fyrir framan Útvegsbankann sem seldi miðana var mjög löng

Bjuggust þið við því fyrir leikinn að svona margir myndu mæta?
Hemmi: Við gerðum annað sem að vantaði ekkert upp á við vorum með stórlið og stjörnur úr Heimsmeistarkeppni frá 1966 í Englandi og þarna á þessum tíma er Eusebio líklega stærsta stjarnan í Evrópu og þá eru þær bara tvær sem að skína í veröldinni, Pele í Brasilíu og svo Eusebio þannig að við vorum ótrúlega heppnir. Það þótti nú tíðindum sæta að til dæmis eftir þennan leik þá sendu þeir hingað íþróttafréttamenn til að fylgjast með mér því að ég var fyrirliði þarna og þeir trúðu því ekki að fyrirliðinn gæti verið blaðamaður á daginn og vera að vinna eitthvað hérna. Við Dóri og félagarnir með okkur undirbjuggum þetta af okkar áhuga bara því að okkur fannst þetta svo mikil upphefð fyrir íslenskan fótbolta að fá að spila við svona snillinga. Við komum á það sem að Dóri meinti raunverulega svona Benfica-æði. Það vissu allt í einu allir allt um Benfica og þessa kappa sem að voru á leiðinni. Við vorum með miða á öllum bílum, við settum plaköt í hvern einasta ljósastaur út um allt land. Til dæmis ef að þú fórst til Hafnarfjarðar þá voru allir ljósastuarar þakktir. Þetta gerðum við allt sjálfir bara eftir æfingar, bíó, þeir sem að fóru í bíó fengu miða á bílana sína og það losnaði enginn undan því að fá bara einhverja bakkteríu, Benfica-bakterían mikla. Svo eftir því sem nær leið þá skipti orðið ekki máli hvernig veðrið yrði á leikdegi því að við vorum búnir að selja svo mikið í forsölu.

Henson: Áhuginn á þessu var alveg ótrúlegur. Það voru ekki í boði nema 2500 held ég stúkusæti það er auðvitað alltaf þannig að það er stór hluti vallargesta sem að vilja vera í stúku. Við leikmennirnir og allir sem að tengdust þessu vorum undir verulegri pressu frá fólki út í bæ sem að hringdi stöðugt að athuga hvort að það væri hægt að bjarga miða í stúku. Jú jú menn bjuggust við mikilli aðsókn það lá alveg fyrir að þetta myndi slá öll met því að áhuginn var alveg gríðarlegur um allt land og það var mikið af fólki sem að kom langt utan að landi. Metið áður en þetta var er sennilega 12 eða 13 þúsund manns. Eftir þetta hafa mest komið í 16 þúsund eða þar um bil en það er auðvitað í alvöru keppni, í heimsmeistarakeppni frekar en Evrópukeppni. Það lá fyrir að það yrði óskaplega margt en kannski ekki alveg svona vegna þess að það var í raun ekki pláss fyrir fleiri. Menn héngu þarna utan á markatöflu og auðvitað fjöldi fólks sem að sá líklega lítið.

Hvað kostaði inn á leikinn, munið þið það ca?
Henson: Mig minnir að það hafi verið 250 krónur fyrir fullorðna og 100 fyrir börn en þú getur skoðað þetta allt í Valsheimilinu og meðal annars peningaseðla frá þessum tíma. (Við fórum og kynntum okkur málið.  Halldór var ekki fjarri lagi en miðaverð var 150 krónur fyrir fullorðna í stúku og 100 krónur í stæði.  Fyrir börn kostaði 50 krónur á leikinn)

Eigið þið einhverja skemmtilega sögu tengda leiknum?
Hemmi: Þær eru nú kannski fjölmargar en það var nátturúlega mikill viðbúnaður og svo var til dæmis eitt við höfðum aldrei spilað við svona frægt lið og það voru endalausar sögur. Til dæmis þegar að við náðum þessum úrslitum að þá var það löngu komið á í Evrópukeppninni að liðin sem að unnu sem að voru í flestum tilvikum atvinnulið þau fengu háa bónusa fyrir sigur í leikjum. Við vorum svolítið á báðum áttum hvort að þeir kæmu bara í hófið eftir leik hér heim því að þeir náttúrulega vinna ekki þennan leik og þá skerðist þeirra hlutur. Þeir gerðu það nú og brutu odd á oflæti sínu.

Svo man ég sérstaklega eftir því í seinni leiknum þá var farið með okkur eins og gimsteina, bestu Hótel og þetta var eitthvað mesta stórlið sem að hafði komið til Portúgals þegar að við mættum. Svo þegar að til dæmis við hlupum inn á völlinn, þetta hafa líklega verið 40 þúsund manns. Þá vorum við látnir hlaupa fyrst inn á. Það voru flóðljós sem að voru kveikt að hálfu, bara á öðrum hluta vallarins, okkar hluta þar sem að við hlupum inn á. Við vorum ákveðnir í því að sýna neina knatttækni sérstaklega þessum áhorfendum sem að komnir voru. Svo skömmu síðar þá var kveikt á hinum hluta vallarins og þá kom Benfica liðið hlaupandi inn á og allir mjög ánægðir og kátir með það en svo skömmu síðar þá kom Eusebio einn og sér og þurfti að hlaupa einn hring. Þeir sögðu okkur að minnsta kosti að það kæmu á leikina kannski 10-15 þúsund manns bara til að sjá hann og hann varð að sinna þessu sem átrúnaðargoð að hlaupa svona sérhring.

Henson og Hemmi spiluðu í mörg ár saman

Henson: Þessi leikur hér heima var ákaflega íþróttamannslega leikinn og við höfum horft á þetta á videobandi síðan. Þetta var alls ekki sú skemmtun sem að fólk vonaðist eftir. Það var mjög rólegt tempó í þessu og satt best að segja þá voru þeir töluvert að spara sig maður verður að vera sanngjarn með það. Ég þurfti að tækla Eusebio nokkrum sinnum og ekkert í sjálfu sér oft en einhverntímann sem aftasti maður í vörn sko. Þá sagði hann “Say Sorry” enskukunnáttan hefur líklega batnað síðan.

Hemmi: Þó svo að Dóri vilji eitthvað draga úr þessu þá fann ég nú samt að þegar að leið á leikinn að þeir voru orðnir pirraðir og til dæmis fékk ég mjög gott tækifæri á fimmtu mínútu og skallaði í slánna og yfir og það hefði nú örugglega gert þá vitlausa. En það fór líka í taugarnar á þeim eins og til dæmis Eusebio að hann fékk ekki frið, hann fékk ekki frið í leiknum svo að hann var svona hálfpirraður.

Í seinni leiknum var ég svo heppinn að geta skorað mark á móti þeim. Þá var staðan 5-0 fyrir Benfica en þá léku þeir við hvern sinn fingur og voru alveg ótrúlegir og líklega allra besta lið í Evrópu. Svo þegar að mér tekst að skora þá skil ég ekkert í því að þeir koma allir félagarnir mínir og henda sér yfir mig. Það var eins og við hefðum unnið Heimsmeistaratitilinn í fótbolta það var engu líkara og lá við að markvörðurinn kæmi þarna í þvöguna líka svo mikil var gleði okkar. Þá sló þögn á alla þessa yfir 40 þúsund áhorfendur og skildu ekkert í því hvort að við hefðum í raun verið að jafna þennan leik, þá var staðan 5 eða 6-0 en þá var þetta bara gleðin okkar að hafa skorað á móti þeim og svo leið svona mínúta, mínútu þögn eins og við útför en eftir það þá stóðu allir upp og klöppuðu og samglöddust með okkur. Svo má líka geta þess að það var sérstaklega um það fjallað að þegar að leiknum lauk hérna í Laugardal þá gerðum við það sem að þeir höfðu aldrei séð áður. Þá mynduðum heiðursvörð við leikmennirnir og klöppuðum fyrir þeim þegar að leiknum lauk og þeir höfðu aldrei kynnst svona íþróttamennsku nokkurntímann áður. Það var sérstaklega skrifað um þetta.

Henson: Í leikskránni hjá þeim í útileiknum þurfti ekkert að taka fram hjá Benfica hvaða atvinnu leikmennirnir stunduðu en hjá okkur var starfsheiti hvers leikmanns tekið fram. Hemmi blaðamaður, ég einhver verslunarmaður og svo framvegis. Nema einn okkar var smjörlíkisgerðarmaður og hann hét í leikskránni “Macarínós specalist”.

Eins og þegar að Eusebio sagði við þig Henson, “Say Sorry” var hann með einhverja stjörnustæla?
Henson: Nei alls ekki. Hann var feiknalega góður leikmaður, alveg gríðarlega, hraðabreytingarnar alveg þvílíkar, fyrsta snerting á bolta og boltinn var dauður, öll þessi einkenni alvöru leikmanna. Færður inn í nútíma væru sömu hæfileikar. Það var sem að spilaði með honum frammi, Torres, Jose Torres ef ég man rétt og hann var algjör fantur. Einu sinni var Simovic sem að var út á kanti hann stormaði upp fór í gegnum bakvörðinn okkar, því miður frekar létt að þessu sinni en þegar að hann er um það bil að gefa fyrir, ég stend við hliðina á Torres sem að er hærri en ég hann er sennilega 195 cm eitthvað svoleiðis að þá finn ég þetta svakalega högg í magann og þegar að ég var að reyna að ná andardrættinum þá var hann uppi í boltanum og skallaði markið og enn eitt markið bættist við (á útivelli). Þeir stigu á lappirnir, þessi gæi steig á ristina til að pirra þig eða koma í veg fyrir að þú gætir hreyft þig eðlilega, olnbogaskot. Hann gerði þetta mjög “Cleaver“. Hann gerði þetta þegar að dómarinn var með augun einhversstaðar annarsstaðar. Eusebio var akkúrat hitt gagnstæða.

Hemmi: Þetta eru nú bara venjuleg atvinnumannabrot og kannski kom okkur sumum á óvart og aðrir áttu svo eftir að kynnast þessu betur en þetta voru náttúrulega brot sem að atvinnumenn notuðu og beittu í leikjum. Sjálfur var Eusebio ekkert nema ljúfmeni og einstakt ljúfmenni og hann var kosinn ef mig minnir prúðasti leikmaður Heimsmeistaramótsins 1966. Hann var mjög hógvær í allri framkomu og eðlilegur sem þessi stóra stjarna. Það kemur alveg heim og saman miðað við mína reynslu síðar við sjónvarp og fjölmiðla að því stærri sem að stjarnan var því meðfærilegri var hún. Vandamálin eru hinsvegar í kringum smákóngana sem að lítið geta og hafa lítið afreka en þeir eru erfiðastir í umgengi. Eusebio er ljúflingur.

Hvernig gekk ykkur að ráða við Eusebio?
Hemmi: Það gekk ágætlega því að við settum mann á hann sem að við sáum eftir að hafa gert því að við gerðum það ekki úti og þá fékk hann að leika lausum hala og skoraði þá líklega þrjú mörk. Við settum Pál Ragnarsson núna tannlæknir á Sauðarkróki á hann og hann elti hann (Eusebio) út um allan völlinn og hefði farið með honum á klósettið hefði hann þurft að bregða sér út af og fékk fyrir vikið nafnbótina “Eusebiobaninn”. Ég veit að fyrir svona snilling eins og Eusebio þá var þetta hundleiðinlegt

Valsliðið á þessum tíma hvernig mynduð þið meta það? Væri það á toppnum í Landsbankadeildinni núna?
Hemmi:  Þetta er svo afstætt það er ekki hægt að bera þetta saman.  Ég er alveg klár á því að ef að það væri hægt þá væri hægt að bera saman Pele og svo aftur leikmenn eins og Ronaldinho.  Það eru náttúrulega örfáir leikmenn sem að hafa skarað framúr tvímælalaust í gegnum fótboltasöguna.  Ég er viss um það að liðin Landsbankadeildinni í dag hafa aldeilis ekki verið neitt til að hrópa húrra fyrir í sumar.  Þau eru í miklu meira úthaldi heldur en við vorum og æfa meira.  Auðvitað voru menn á þessum tíma sem að hefðu komist í liðin í dag ég efast ekkert um það svo stórstígar hafa framfararnir ekki orðið, því miður. 

Henson:  Ég held að þetta sé til þess að gera auðvelt að yfirfæra þetta inn í tímann.  Það er meira æft, eitthvað meira kannski ekkert ofboðslega mikið.  Þú getur tekið mann eins og Hermann og staðfært hann inn í nútímafótbolta og hann væri þarna sennilega markakóngurinn eða þar um bil og væri að gera sama usla í dag og að hann var að gera þá.  Það er alveg sama með Eusebio og leikmenn Benfica sem að var mjög gott lið skipað toppmönnum í öllum stöðum.

Eins og Real Madrid núna?
Henson:  Það var fótboltalið, virkilegt fótboltalið.  Real Madrid mér finnst það dæmi hafa mislukkast ég verð nú bara að segja eins og er.  Eusebio og félagar voru bara mjög skemmtilegt lið til að horfa á.  Inn á milli í Real Madrid eru kannski ennþá meiri snillingar en ákveðnir leikmenn úr Benfica hefðu komist inn í Real Madrid liðið að mínu mati. 

Henson hefur hitt þá marga fræga, hér er hann með besta fótboltamanni allra tíma, svörtu perlunni, Pele

Munið þið byrjunarliðið síðan í þessum fræga leik gegn Benfica?
Henson með hjálp Hemma:  Siggi Dags í markinu.  Ég var aftastur í vörninni með Sigurði Jónssyni og Páli Ragnarssyni.   Við vorum fimm í vörninni 5-3-2 kannski en stundum vorum við þó með þrjá frammi.  Við þrír vorum þarna í miðri vörninni, Siggi Jóns fór náttúrulega aðeins meira inn á miðjuna, Þorsteinn Friðjófsson var vinstri bakvörður Sigurður Erlingsson var hægri bakvörður.

Tengiliður Gussi og Reynir eru á köntunum og svo er Sigga stillt upp á miðjunni með Svenna og Hemmi og Ingvar frammi.

 Skipti einhver ykkar Valsarana á treyju við Eusebio eftir leik?
Henson:  Nei frábær spurning, það var ekkert svoleiðis.  Við urðum Íslandsmeistarar hér á sínum tíma árið 1966 og 1967 í Rugbypeysum.  Í hreinskilni sagt Rugbypeysum.  Sá sem að pantaði þetta frá Englandi hann fór feil í verðlistanum og pantaði Rugbypeysur með kraga og tölum.  Það var ekkert verið að “Parkera” því og því hent og keypt nýtt, nei það var spilað í þeim í tvö ár og það skilaði Íslandsmeistaratitli bæði árin.  Þegar að þetta gerist er ég byrjaður að fikta eitthvað í þessum “buisness” og pantaði hvítar peysur á okkur að utan.  En það að ætla að gefa einhverjar peysur það hvarflaði ekki að neinum manni.  Það kann vel vera að það hafi heldur ekkert legið á lausu frá þeim.

Hemmi:  Maður skal nú ekki útiloka það því að þeir hafa nú örugglega verið vanari því að skipta á peysum en við vorum það fátækir að við gátum ekkert gefið peysurnar af okkur.  Frá því árið áður í þessum fræga 14-2 leik þá spiluðum við í ljótustu landsliðsbúningum allra tíma með stórum smekk á bakinu og svörtum númerum á þessum bláum peysum og reyndum að troða þessu inn á Danina, þeir voru ekkert spenntir fyrir þessari vitleysu en þá kom einhver aðstoðarmaður og harðbannaði okkur að láta þessa skartgripi og þeir eru líklega ennþá til því að það hefur enginn þegið þessa búninga.

Henson:  Þetta var svona og það fékk enginn borgaða krónu fyrir þetta.

Hemmi:  Við máttum ekki skipta um peysur eins og síðar þegar að ég spilaði mína landsleiki.

Nú eru til myndir af því þegar að Eusebio komst ekki inn í búningsklefa eftir leik þar sem að hann var umkringdur af áhorfendum, lentuð þið líka í þessu?
Hemmi:  Við áttum nú greiðari aðgang að búningsklefanum.  Það líður manni hinsvegar aldrei úr minni þessar móttökur og hvað maðurinn var skær stjarna.  Það er nú viðbúið að enginn af þessum ítölsku leikmönnum sem að koma þó að margir þekktir séu þar þá er enginn nálægt því að vera eins mikil stjarna í knattspyrnu eins og Eusebio var enda hlupu allir sem að gátu á annað borð hlaupið á eftir honum eftir leikinn og hann átti fótum sínum fjör að launa.  Margir af þeim sem að ég hef unnið með á seinni árum eru montnir af því að hafa hlaupið á eftir honum.

 Henson:  Ég held að Eusebio hafi verið stærsta íþróttastjarna sem að hér hafði nokkurntímann komið.  Hér höfðu komið ágætis menn og miklar kempur sem að höfðu afrekað mikið en hann var svo langstærsta nafnið sem að hafði komið.  Hann er mjög gjarnan á listum yfir 20 bestu manni frá upphafi. 

Halldór og Rod Stewart í Skipholtinu en Stewart hafði komið hingað til lands til að sjá Ísland Skotland á níunda áratug síðustu aldar

Á hvaða leið teljið þið að fótboltinn hér á landi og erlendis sé á?
Henson:  Að hluta til sem sannur knattspyrnuáhugamaður þá finnst mér fótboltinn á vissan hátt vera á skelfilegri leið þar sem að peningarnir eru gjörsamlega búnir að taka völdin.  Ég segi bara “sveiattan” við framkomu þessa Abramovich og hann hætti að hunskast til að nota sína peninga til uppbyggingar í Rússlandi frekar en að leika sér þarna í London. 

Hemmi:  Ég held að boltinn hér heima verður þetta alltaf sama baráttan.  Við fáum upp alltaf einstaka sinnum góða leikmenn.  Fótboltinn eins og hann er til dæmis núna í Landsbankadeildinni hann hefur ekki verið mjög góður í sumar en við skulum ekki gleyma því að okkar skástu strákar okkar fara í atvinnumennsku, hálfatvinnumennsku og hefur nú til dæmis verið alltof ódýrt verð á þeim, því miður.  Ég tek undir þetta með Dóra að fótboltinn er orðinn tóm vitleysa, þú ert að eyða tíma í að byggja upp styrkt lið tek sem dæmi meistaralið Arsenal að það sé bara loforð manna á Spáni ár eftir ár eftir ár á milli Barcelona og Real Madrid að ná í meistaratitilinn þá eru þeir að lofa leikmönnum sem að þeir hafa ekki einu sinn rætt við en vita með því að sprengja upp allar verðskrár þá fá þeir þessa menn.  Þannig fóru til dæmis Beckham og Ronaldo á sínum tíma og núna líklega Vieira.  Þetta sýnir að það er ekkert heilagt.  Samt er þetta lið sem að skuldar milljarða eins og Real Madrid en samt komast þeir upp með þetta vegna þess að þeir eru aðallið Madridar.  Þetta er ekkert sniðugt og ég tek undir þetta með menn eins og Abramovich sem að eru með maður veit ekki hvernig fengið fé og ætla að nota þetta til að sprengja allt í loft upp í leikmannakaupum.  Því að menn verða ekki betri þó að það sé stærri verðmiði á þeim.

Henson:  Hér áður fyrr ef að við tökum England sem að við Íslendingar fylgjumst mest með ef að þú verð 20-30 ár til baka þá var titlinn að færast á milli liða.  Það voru lið eins og WBA, Ipswich, Norwich, West Ham, Burnley, Derby County, Nottingham Forrest, Evrópumeistarar og allt saman.  Það áttu svo margir möguleika á að vinna.  Í dag geturðu sleppt þessari keppni.  Það eru fullt af liðum þarna sem að er fyrifram öruggt að þau munu ekki sigra.  Í golfi er sá kostur að þú hefur forgjöf og þanni á sá sem er lélegur möguleika á að vinna (Hemmi stríðir Henson og segir “Þetta þekkir þú mjög vel sjálfur).  Eftir svona 10-15 ár verður Uefa kominn með löggjöf með þetta.  Með einhverja breytingar á þessu því að þetta verður algjör “Monopolly” það verða alltaf sömu lið með áskrift á þessum titlum og þetta hættir að vera skemmtilegt.  Svipað og út í Skotlandi það eru bara eitt eða tvö lið sem að geta unnið.  Það verður sett eitthvað þak á þetta eins og er í NBA.  Litlu liðin mega velja fyrst í nýliðavali þar og þá er einnig launaþak. 

Hvernig finnst ykkur íslenska landsliðið í dag?
Hemmi:  Það er ekki gott, því miður.  Þetta gengur í hægðir og lægðir sem að eru með íslenska landsliðið og hefur alltaf verið og verður alltaf.  Við erum svo fá og höfum ekki úr svo mörgum leikmönnum að moða og þegar að við erum að tala um gott lið þá átt þú náttúrulega við knattspyrnulega séð.  Það er að segja góðir knattspyrnumenn.  Við getum náð í sterkt lið til að spila varnarleik sem að hófst með Tony Knapp og þeim kálfum sem að þá voru.  Svo verðum við að hafa þungamiðju af góðum leikmönnum eins og myndaðist til dæmis þegar að Ásgeir Sigurvinsson, Arnór, Atli og Jóhannes Eðvaldsson og svona strákar mynduðu kjölfestu í landsliðinu síðar Guðni Bergsson en þessir kjölfestu leikmenn eru svo fáir í dag.  Við erum að tala um leikmenn eins og Eið Guðjohnsen og Hermann Hreiðarsson.  Við erum að tala um svo sárafáa.  Við getum ekki krafist þess að við séum með sterkt landslið en við getum verið með ágætt landslið.

Henson:  Ég lýsi þessu alltaf með því að segja að þar sem að þetta sé aðeins litla Ísland og við erum með fugl sem að heitir rjúpa og þar koma sterkir stofnar og veikir stofnar.  Það virðist vera eitthvað lögmál sem að við höfum afskaplega lítið með að gera.  Það er alveg það sama í knattspyrnunni það skiptir engu máli þó að við byggjum bestu aðstöðu í heimi þá skiptir þessi “Natural Talent” alltaf mestu máli.  Mér finnst liðið vera í lægð í dag hvað varðar knattspyrnulega getu.  En svo náttúrulega með miklum dugnaði og góðu keppnisskapi og ágætis stýringu ég er ánægður með landsliðsþjálfarana og með ágætis stemmingu þá höldum við vonandi áfram að ná góðum úrslitum. 

Hvernig lýst ykkur á þá tilraun KSÍ að slá aðsóknarmetið og að fá Eusebio til að koma til landsins?
Hemmi:  Ég sé ekki neitt samhengi í þessu.  Ég bara átta mig alls ekki á því hvernig Eusebio tengist Ísland – Ítalíu ég hélt að aðalástæðan ætti að vera landsleikur Íslendinga og Ítala og reyna að ná viðeigandi úrslitum en þetta er nú æfingaleikur og Ítalir koma væntanlega til með að skipta mikið um menn.  En það er borin von að þetta met verði bætt því að við fengum tíundahluta þjóðarinnar á Val – Benfica en nú ætla einhver stórfyrirtæki að gefa miða og svo verður væntanlega gefið frítt inn ef að það er bara takmarkið að slá met Vals.  Ef að takmarkið er ekki æðra og meira þá bíð ég ekki í þetta en ég vona bara að sem flestir fari á völlinn.

Henson:  Nú hefst ný keppni í haust og þá fer Heimsmeistarakeppnin af stað.  Góð aðsókn á leikinn á móti Ítalíu og góður leikur myndi þjappa áhugamönnum um knattspyrnu saman um að mæta þá á leikina í haust og styðja vel við bakið á okkar mönnum.  Þetta er voðalega ósambærilegt í dag að tala um Valur – Benfica og Ísland – Ítalía það er varla hægt að tala um það sama.

Hemmi Gunn fyrir mörgum árum

Ef að þið mættuð ráða mynduð þið breyta einhverju í knattspyrnunni í dag?
Hemmi:  Ég myndi breyta því þannig að krefjast þess að menn verði betri en það hafa verið gerðar ýmsar tilraunir með breytingar á fótboltanum sem íþrótt og þær hafa nú flestar mistekist.  Þarna hefur verið tekinn af rangstaða, leikaðferðir hafa breyst jú svolítið en þær gömlu koma alltaf upp aftur eins og til dæmis sést á Suður – Ameríkuþjóðunum sem að sækja nánast á 6-7 mönnum eins og gert var bara 1950.  Leikaðferðirnar fara í hringi og því fyrr sem að við reynum að tileinka okkur meiri sóknarleik í íslenskri knattspyrnu þá veit ég að við fengjum miklu fleiri á völlinn og strákarnir hefðu meira gaman af þessu.  Þá mætti hugsanlega lengja tímabilið þannig að það yrði ekki svo dýrt að tapa stigi.  Forsenda íþróttar er skemmtun og knattspyrnan menn verða að hafa gaman af þessu.  Það þýðir ekki að gera þetta með fýlusvip eða taka þetta svo hátíðlega hérna í okkar áhugamannakeppni. 

Henson:  Það er voðalega freistandi að sjá fyrir sér innkast framkvæmt eins og þér langar að henda inn, með einni hendi.  Ef að það mætti henda inn með einni hendi og þú gætir hent boltanum sæmilega vel fyrir þá erum við að tala um mjög breyttan fótbolta og það gæti orðið feykilega skemmtilegt, freistandi.  Það var líka stórt skref fram á við þegar að það var bannað að gefa aftur til á markmann, menn gátu tafið endalaust á þessu.

Hvernig fer Ísland – Ítalía?
Henson:  Ég sé fyrir mér jafntefli 1-1, 2-2 

Hemmi:  Ég bara veit það ekki og hvað þeir leggja mikla áherslu á þetta Ítalarnir.  Svo er ég ekkert viss um að íslensku leikmennirnir keyri allir á fullu því að þeir eru margir að berjast fyir sæti sínu í liðum sínum og keppnistímabilið að byrja.  Ég vona að þetta verði þokkalegur leikur og gutlar eitthvað á þessu. 2-1 fyrir Ítalíu.